مابين قال فلان وفلان ماقال=هذا يروجها وهذا نشرها
دعايةً تبقى على كل الأحوال=جمره خبيثه كل منا خبرها
زيف الحقايق صوتها عزف موال=يطرب لها الحاقد ومن هو حضرها
وغيم الحقيقه غيمها دوم همال=تكشف نوايهم وتسكب مطرها
ملبوسها ثوب الوفا فعل وخصال=بنت الشيوخ اللي عزيزاً مهرها
حشمة شرف ماهمها قول عذال=ليلة شموخن بان فيها قمرها
فيها انبهر من زينها كل الأزوال=والله يعين اللي بعينه نظرها
ذكرت شيً دوم يطري على البال=والنفس بعد الشي ولى كدرها

يأهل الهوي وشلون ملة هواكم
بالله عليكم وين جاكم وجيتوه
والله لو يبطي عليكم عشاكم
ويمركم غض النهد ماعرفتوه

للشاعره :مويضي البرازيـه

اخواني و اخواتي
السلام عليكم .... ابيات اعجبتني لشاعر / براهيم بن مريع
ابيات عزليه اهديها لأصحاب القلوب الخضر بلمنتدى :)

ابن عبّاد السلولي .. ..

أعلن قرار أعتزال التتن كييفه
عزمه حصان عزوم مالها قافي

من عقب ماني من أوّل من مواليفه
وهو يحسب نفسه المخلص وانا الجافي

يكفي ثلاثين عام تحت تصريفه
أرضي به النفس وأضايق به سنافي

وش لون أصافي عدوٍ جاردٍ سيفه
وعيني تشوف العداوة بيّن وخافي

ينام منهو مايعرف الهمومي = وعيني اليا ناموا حريب لها النوم
الله يلوم اللي لحالي يلومي =لا ساهرن سهري ولاهو بمهوم
ماهو بمثلي يزعجه كل يومي = همن يلوج بداخل الصدر مكتوم
لامبدين أسرار قلبي لقومي = واللي بسر الغيب ماهو بمفهوم
أخاف أبوح السر تبدأ الثلومي = وتاقف على مكنون سري هل اللوم
عاهدت قلبي ما يبوح العلومي = ولايويق بغايته كل مذموم
بالليل أساهر ساريات النجومي = والصبح أعدى بالنباكل مزموم
اوجس بقلبي مثل حر السمومي = ولا صفالي خاين الدهر لويوم
يا سيف قم لعل حظك يقومي = ولعل ابوك بساعه الحشر مرحوم
النار شبه ياقوي العزومي = وهات الدلال وترك النوم لرخوم
خابرك بالطيب ودودورحرمي = قم سو مايبعد عنا كل شغموم
فنجال بن مايحضره رخومي = مبهرن مابين الاجواد مقسوم
ارواحنا بافلاك الايام تومي = مهما يطول العمر فالاجل محتوم
روحي بيد فارض صلاتي وصومي = اللي بحبل اليسر ينجي لمضيوم
الواحد اللي نطلبه كل يومي = منجين يوسف وهو قبل مظلوم
دنيا الشقايا يا سيف ماهي تدومي = كم واحدن فيها مشيحن ومنجوم
وافراح اليا قالوا تقافت غيومي = على شفا الباطن وهو قبل ماسوم
حيثه مرب لكل وضحا ردومي = اللي بها زودن على الطوق برشوم
عسا تعله مرهشات الوسومي = يمطر عليها الوبل يومن بعد يوم
عشبه يغطي نايفات الحزومي = فيه الزهر فوق الزماليق منضوم
مخالف النوار غادي سهومي = والعشب من وبل المراهيش كيهوم
فيه ام سالم من طربها تعومي = تلفح بسمح الريش في كل مرجوم
من الطرب في كل روض تحومي = وتقضي الدنيا زغاريت وسجوم
ان شافت النوار نبته يزومي = ما سايلت عن حال معطي ومحروم

شاقني برقا لمع في مخيـل مستخيـل=صافي جوه ولا عكره صلـف الهـوا
اه ياقلباً من العـام ماحصـل حصيـل=غير جرح ماكنن مايحصـل لـه دوا
دامني وافي ولاشاقنـي غيـره بديـل=وش تفسير التجاهـل ولا مالـك لـوا
والله انـا ماطلبنـا كبيـر ومستحيـل=ومن جهل سلم الهوى لايسب اهل الهوا
شوف ساعات التواصل قراح وسلسبيل=بين وافين المحبه على حـدن سـوى
والتجاهل والتجافي وساعات الرحيـل=تجعل الاغصان تاقـف وناعمهـا ذوا
دامني ملقى ورى ضلك الوافـر مقيـل=وكيف بنك مايداوي من الراس الخـوا
اصعب الحظات حزة وداعات الاصيل=لكتساها مدلهم مـن المشـرق ضـوا
وخيم اخياله على القلب بالحزن الطويل=ونهمل دمعاً مـن العيـن ساقيهـا روا

يجيب السفر طاريك يا حيّ ذا الطاري ..
......................... و أنا بين تغميض العيون .. ومدامعها ..

غريب السفر !! والأغرب احساسه الناري..
......................... يا كم ناس فرقها !! وكم ناس جمعها ..!!

فـ على الرغم من كمية الكبت الإجباري ..
......................... يـبـيـّن شعور الناس ..[ لما توادعهـا ]..!!

وأنا لا بكيت / البكي جهدي وإصراري ..
......................... إحس إني أنظف خلق ربي و أورعها ..!!

ترى الشاعر ليـّا حب / ينجن و يماري ..
........................ مثل من معه ثروهـ .. ويـبـغى يوزعها ..!!

أحبك / وإذا ما كنت داري .. أنا داري ..
........................ أنا كل يوم أقــولـهـا .. لـو مـا تـسـمـعـهـا ..!!

حـبـيـبـي .. لـلـوفـاء .. بـايـع وشـاري ..
........................ تـخـون النـفـوس .. إن مالقت شي يـمنعها ..

هداياي / كتبي / باقي اغراضي / أشعاري ..
........................ إذا إنـّا تـفـارقـنـا .. طـالـبـك لا تـقـطـعـهـا ..!!

تبرع بها .. لو ما أنت راغب .. ولا ضاري ..!!
........................ لعل وعسى / تلقى لها نـاس تـنـفـعـهـا ..!!